NEL-seminario, 19a de novembro 2016

MM, Norvega Esperantisto 6/2016

Lu Wunsch-Rolshoven
Lu Wunsch-Rolshoven

NEL aranĝis perskajpan seminarion sabate la 19-an de novembro. Tiaj seminarioj estas aranĝataj tradicie dum la jaroj sen landa kongreso, kun temoj tre diversaj, kelkfoje, kiel ankaŭ ĉi-jare, kun invitita gastpreleganto.

Nun  Lu Wunsch-Rolshoven, germana spertulo pri informado pri Esperanto, prelegis al ni el Berlino pri la temo: Publike informi pri la Esperanto-komunumo. Li atentigis nin pri tio, kiom granda estas la nescio – kaj la mis-scio – pri Esperanto, kaj kiel oni bezonas ripeti informojn (laŭ li almenaŭ dekfoje) por ricevi la plej bonan efikon. Gravas ankaŭ elekti tiujn celgrupojn kiuj plej facile akceptas Esperanton: junulojn, programistojn, lingvemulojn ktp. Kaj oni devus informi per faktoj pri la nuntempa aplikado de Esperanto kaj pri eventoj, novaĵoj – ĉar faktojn oni ne povas kontesti, kontraste al nuraj pretendoj pri la meritoj de Esperanto.

Elŝutu la prelegon de Lu (nur atingebla por membroj):

Du må logge inn for å få tilgang til filene. Har du ikke passord? Send en melding til NEL via meldingsskjemaet på denne siden, og be om tilgang.

E-postadresse
Passord
 
Glemt passordet?


En la dua parto de la seminario Otto Prytz prelegis pri defio de la ekzamena sistemo en Norvegio. (Vidu p. 8. en Norvega Esperantisto 6/2016). Li komencis per detala prezentado de la historio kaj la laboro de la ekzamena komisiono kaj finis sian prelegon alvenante al grava demando: Ĉu ni devas ĉesi pri ekzamenoj en Norvegio aŭ ĉu ni devus ellabori novan ekzamenan sistemon kongruan al la eŭropa eduk-sistemo? Tiu lasta solvo ja bezonus grandan laboron de kvalifikitaj kandidatoj. Kvankam oni argumentis apud ambaŭ eblecoj, la decido certe okazos dum la Landa Kunveno venont-junie.

Krom tiuj du interesaj prelegoj ni povis rapide kaj koncize prezenti la proponon pri nova laborplano, nian renoviĝintan hejmpaĝon kaj detalojn de la proksimiĝanta landa kongreso.

La seminarion partoprenis 17 personoj en ok lokoj en Norvegio. Aldone al tiuj, 3- 4 aliaj membroj montris sian intereson, sed ni ne povis ilin alkupli, parte pro ilia malfrua aliĝo.

La tekniko funkciis kontentige, eĉ ni povus diri ke bonege post la jam kutimaj malfacilaĵoj je la komenco. Ni esperas, ke la seminario donis al la partoprenantoj multajn novajn kaj utilajn informojn, kaj agrablan virtualan kunestadon.

Norsk | Esperanto